MASTAA 15 WA FILAMU WALIOFULIA KWENYE GEMU

Steven Seagal.

Steven Seagal - Huyu wote tunamkumbuka kwa movie zake za kuvunjana enzi zile za kuangalia movie za Mkandala, kwa sasa maisha ya movie hayana jipya kwake kwani waigizaji wapya kama Jet Lee wameshaiteka sanaa.

Macaulay Culkin.

Macaulay Culkin - Bila shaka huyu aliikosha mioyo yetu enzi zile tunaanza kuwa wapenzi wa filamu, movie zake zilizoutikisa ulimwengu kama ‘Home Alone’ zilioneshwa sana mitaani na kwenye mabasi yaendayo mikoani wakati wa safari. Hivi sasa hata haieleweki kapotelea wapi.

     Demi Moore.

Demi Moore - Huyu mwanamama alishawahi kuwa mke wa staa maarufu wa movie za kivita, Bruce Wills, na baadaye kufunga ndoa na Serengeti Boy, ‘Ashton Kutcher’ kutoka kwenye kipindi cha ‘Punkd’. Baada ya kuachika kote, hivi sasa bado hasomeki katika ramani ya filamu, mara ya mwisho kutoa movie ni siku nyingi zilizopita.

Nicolas Cage

Nicolas Cage - Nani ataisahau ile movie ya Ghost Rider, yule jamaa anayeendesha pikipiki huku akifoka moto kichwani. Na ile ya FACE-OFF aliyoigiza na John Travolta? Huyu siyo mgeni, hivi sasa anasifika kwa kutengeneza movie zisizofikia kiwango na kumfanya kupuuziwa kwenye gemu.

John Travolta

John Travolta - Ukweli ni kwamba kilicho juu kisubirie chini, licha ya kuwa na ndege binafsi, Johnny alianza kufifia baada ya movie yake ya ‘Pulp Fiction’ iliyompunguzia makali ya uigizaji wake na kushushwa kiwango.

Renee Zellweger

Renee Zellweger – Huyu mwanadada ambaye hajaigiza katika movie yoyote kwa muda wa miaka minne sasa, alisifika sana kwenye movie na Tom Cruise ya Jerry Maguire na kuingiza sauti katika katuni ya Shark Tale akiwa na mkongwe Will Smith.

Eddie Murphy.

Eddie Murphy – Angetokea Afrika nahisi angeshakuwa mfalme, movie yake wote tulishaiona, ile ya kupigishwa mpaka mswaki, Coming to America. Hivi sasa hana movie yoyote iliyouza viwango vyake vya zamani  ukiachana na ile aliyoingiza sauti kama punda katika katuni maarufu ya Shrek.

Shannen Doherty.

Shannen Doherty - Mwanadada huyu alisifika sana katika TV Series kama Beverly Hills 90210 na Charmed, hivi sasa ana miaka 10 hajatoa kazi yoyote.

Jean-Claude Van Damme.

Jean-Claude Van Damme -  Huyu jamaa alitukosha sana na mateke yake kwenye movie zake, aliuteka ulimwengu kipindi cha miaka ya 1980 na 1990 lakini kama ilivyo kawaida kwa wacheza movie za kupigana, wanavyozidi kuzeeka na wasifu wao huzidi kufifia.

Mel Gibson.

Mel Gibson - Huyu ndiyo jamaa aliyeongoza wanajeshi katika movie ya Braveheart na kutengenza movie kama Apocalipto na Passion Of Christ. Hivi sasa kila mmoja akijaribu kumsoma atasema huyu jamaa ameshafyatuka akili kwa maneno ya kibaguzi anayoyatoa. Tabia ya ubaguzi huo ndiyo imekuwa chanzo cha kufa kwa sanaa yake. Hivi sasa bado hatuelewi anashughulika na nini.

Pauly Shore.

Pauly Shore - Huyu naye alitamba sana kipindi cha miaka ya 1990 na movie yake ya Encino iliyompatia umaarufu mkubwa. Hivi sasa bado anaigiza movie mbili tatu lakini siyo kiwango alichowahi kufikia kipindi chake cha nyuma.

Helen Hunt.

Helen Hunt - Alikimbiza sana katika kipindi chake cha ‘Mad About You’, akafanya kazi nzuri tena kama ‘Cast Away’ lakini sasa hatujui mengi kuhusu mwanadada huyu ambaye hasomeki amekimbilia wapi.

Jerry Seinfeld.

Jerry Seinfeld - Jamaa alisifika sana katika runinga na kipindi kilichofanya vizuri sana katika anga za uigizaji lakini sasa anaandika ‘web series’, kitu ambacho kila mtu anahisi jamaa amefulia kwelikweli.

Sylvester Stallone.

Sylvester Stallone – Inatia huruma sana kutoka katika movie ya Rocky hadi kuigiza katika The Expendables, movie ambayo hufufua waigizaji wa zamani (mababu). Movie hiyo ya mababu inafanya vizuri lakini katika kiwango cha chini kwani wahusika wote walishafifia katika anga za filamu.

Meg Ryan.

Meg Ryan- Mwanadada aliyesifika kwa kufeki mahaba katika filamu ya When Harry Met Sally mwaka 1989, alishwahi kuwa na movie zilizokimbiza baada ya ile lakini hivi sasa kipaji na kazi zake zimeshafifia.

SHARE

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.

• 
• 
• 
• 
•